Stan Getz

Stan Getz
Stan Getz in 1983
Agtergrondinligting
Geboortenaam	Stanley Getz
Gebore	(1927-02-02)2 Februarie 1927 Philadelphia, Pennsilvanië, Verenigde State
Sterf	6 Junie 1991 (op 64) Malibu, Kalifornië, Verenigde State
Genres	Cool jazz bossa nova bebop
Instrumente	Tenoor-saxofoon
Jare aktief	1943–1991
Etikette	Verve Records Prestige Records

Stanley Getz (2 Februarie 1927 – 6 Junie 1991) was 'n Amerikaanse jazz saxofoonspeler wat op professionele vlak bekendgestaan het as Stan Getz. Hy het hoofsaaklik die tenoor-saxofoon bespeel, en het ook bekendgestaan as "The Sound" vanweë die warm, liriese toon wat hy voortgebring het. Sy grootste inspirasie was die sagte klankkleur wat Lester Young voortgebring het. Hy het aan die einde van die 1940's prominensie bereik saam met Woody Herman se "big band". Getz is deur die kritikus Scott Yanow beskryf as "een van die grootste tenoor-saxofoonspelers van alle tye".^[1] Getz het in bebop en cool jazz groepe gespeel. Hy is beïnvloed deur João Gilberto en Antônio Carlos Jobim, en het die bossa nova genre in Amerika bekendgemaak met die enkelsnit treffer "The Girl from Ipanema" (1964).

1. ↑ Yanow, Scott. "Stan Getz". AllMusic. Besoek op 23 November 2014.